Au Crès i a tres biais de nommar nòstras cimas, sens consideracion de son auçada :

• puèg, amb lo nom Puèg cabrièr dins lo quartièr de Maumarin, que ven dau gallo-roman podiu, en latin podium, 
• sèrre, amb lo giratòri dau Sèrre de Redonèl (que foguèt demesit per l’esplecha de la peirièra), en anant vèrs Jocon, que ven dau latin serra,
• truc que qualifica de Truc dals Òrts l’eminéncia plombant sus Salaison. Se vei de Truc e Truquet pertot, mas a l’èst de la ribièira Eraur solament.
A l’oèst son remplaçats per Suc/Suquet. Truc e Suc son d’origina pre-indo-europèa. Lo Truc dals Òrts ten son nom de çò que totes los abitants dau Crès i avián son òrt, qu’asaigavan amb l’aiga de Salaison. E èra un dever de cadun de netejar lo tròç de riba costejant son òrt.

Au Crès il y a trois façons de nommer nos sommets, sans considération de leur hauteur :
• puèg, avec le nom Puèg cabrièr prononcé [puèch cabriè] (Sommet aux chevriers) dans le quartier de Maumarin, qui vient du gallo-roman podiu puis podium en latin,
•sèrre, avec le giratoire de Sèrre de Redonèl [sèrré dé rédounèl] (colline arrondie, qui a été rabotée par l’exploitation de la carrière), en allant vers Jacou, et qui vient du latin serra,
• truc qui qualifie de Truc dals Òrts [truc daz orts] la butte tombant sur le Salaison. On voit des Truc et Truquet partout, mais à l’est de la rivière Hérault seulement. À l’ouest ils sont remplacés par Suc/Suquet. Truc et Suc sont d’origine pré-indo-européenne. Truc dals Òrts veut dire "la Butte aux jardins potagers", car tous les Cressois y avaient le leur qu’ils arrosaient avec l’eau du Salaison. Et c’était un devoir de chacun de nettoyer le morceau de rive côtoyant son jardin.

Josiane Ubaud
Ethnobotaniste et lexicographe en occitan

Lo Crès vilatge occitan/Le Crès village occitan

Temps d’ivèrn, temps de las ensaladas sauvatjas – Los Occitans an totjorn recampat d’ensaladas e au Crès, Antonin Cammal n’èra un grand amator, coneissent totes los ròdols, que cada ensalada a son biotòp. Existís un trentenat d’ensaladas de gost doç, amar o sofrat. Un bon mesclum mescla sabors e consisténcias divèrsas. Activitat pròpria als Occitans, la màger part an qu’un nom occitan passat au francés. Las mai preciadas son la tèrragrèpa en garriga, lo breu dins las fendasclas de rocàs, la doceta dins de luòcs mai umides, lo petarèl, la rosèla, la cicorèra e la roqueta jauna long dels camins, l’ensalada a la bròca e la santjosèp dins las vinhas lauradas (pas tractadas !), e lo reponchon dels ermàs amb sa rabeta blanca. Las tròp montadas per èsser manjadas crusas passan en borbolhada, amb bledas e agretas sauvatjas, cosinadas coma los espinarcs.

Temps d’hiver, temps des salades sauvages – Les Occitans ont toujours ramassé des salades et au Crès, Antonin Cammal en était un grand amateur, connaissant tous les coins, car chaque salade a son biotope. Il existe une trentaine de salades au goût doux, amer ou soufré. Un bon mesclum mélange saveurs et consistances diverses. Activité propre aux Occitans, la plupart n’ont qu’un nom occitan passé au français. Les plus appréciées sont la terre-grèpe en garrigue, la laitue vivace dans les fentes de rochers, la doucette dans des lieux plus humides, la silène, le coquelicot, la chicorée et la roquette jaune le long des chemins, la salade à la bûche et la saint-joseph dans les vignes labourées (pas traitées !), et le repounchoun des friches avec son petit radis blanc. Celles trop montées pour être mangées crues passent en bourbouillade, avec blettes et oseilles sauvages, cuisinées comme les épinards.

Josiane Ubaud 
Ethnobotaniste et lexicographe en domaine occitan

Los aubres dau Crès - Un aubre marca particularament lo còr dau vilatge : es lo fanabrégol. Aubre sacrat dals Cèltas arecomics, los que senhorejavan entre Ròse e Besièrs e que sa capitala èra Nimes. Lo nom latin de l’aubre o ditz : Celtis australis, lo Cèlta dau sud. Mas es son nom occitan qu’o ditz melhor encara : fanabrégol, qu’es format sus lo latin fanum, lo temple, e lo gallés brogilon, lo bòsc.
Representava la forèst sacrada onte se fasiá los cultes primitius : res d’estonant essent sa longevitat e son gigantisme, que dona l’impression de sosténer la vòuta celèsta. Los crestians reprenguèron la simbolica cèlta e marquèron sas gleisòtas d’un fanabrégol. Es donc pas d’asard se n’i a un davant la glèisa dau Crès, e tanben de subjèctes remarcables dins lo vilatge vièlh, impressionants de beutat majestuosa.

Les arbres du Crès – Un arbre marque particulièrement le cœur du village : c’est le micocoulier. Arbre sacré des Celtes arécomiques, ceux qui régnaient entre le Rhône et Béziers et dont la capitale était Nîmes. Le nom latin de l’arbre le dit : Celtis australis, le Celte du sud. Mais c’est son nom occitan qui le dit encore mieux : fanabrégol, qui est formé sur le latin fanum, le temple, et le gaulois brogilon, le bois. Il représentait la forêt sacrée où se faisait les cultes primitifs : rien d’étonnant étant donné sa longévité et son gigantisme, car il donne l’impression de soutenir la voûte céleste. Les chrétiens reprirent la symbolique celte et marquèrent leurs petites églises d’un micocoulier. Ce n’est donc pas par hasard s’il y en a un devant l’église du Crès, et aussi
des sujets remarquables dans le vieux village, impressionnants de beauté majestueuse. . .

Josiane Ubaud
Ethnobotaniste et lexicographe en occitan